بيتهوفن جا يتموسق مع عبيدات الرمى

حل بالمغرب الرسام والمهندس العالمي الشهير ليوناردو دافن شي ويلاه خرج من المطار طار عليه واحدfaux guide وقال ليه مرحبا بك في بلدك الثاني المغرب ٠ أنا سميتي سعيد ونتا ، أنا سميتي ليوناردو دافينشي ٠
سعيد : ليوناردو ، ليوناردو٠ واش أنت هو المدرب ديال آسي ميلانو٠
دافينشي : ضاحكا ، لا أنا ليوناردو الرسام والمهندس الراحل صاحب اللوحة الشهيرة موناليزا ٠
سعيد طار بالفرحة وقال فخاطرو وهمزا هاذي واشمن همزة ، ثم قال : وعلاش جيتي بالسلامة للمغرب ؟
دافينشي : جيت لبلادكم باش نرسم الصناعة التقليدية والطبخ ٠٠٠ والطبيعة المتنوعة اللي عطاكم الله ٠٠٠
سعيد : خلينا أصاط من الطبيعة والصناعة التقليدية ٠٠٠ واش بغيتي الجمال ديال بصح ؟ يلاه تبعني وتفرج معايا فواحد الماتش ديال كورة فملعب ٠٠٠ وهناك عطى الله ما ترسم ٠
وصلوا للملعب لقاوا الدنيا كتصفر ٠ ليوناردو سول سعيد : فينا هو الجمهور ؟
سعيد : أسي فرناندو، ريفالدو ، رونالدو ٠ عفاك فكرني فسميتك ؟
دافينشي : سميتي ليوناردو ٠
سعيد : آسي ليوناردو ، راه الجمهور المغربي مرضاتو كورة ومبقاش كيقدر يتفرج فيها ٠
دافينشي بغى يمشي يقطع لوراق ديال الدخول ٠ أهو يقول ليه سعيد : لابلا ما تعذب راسك أنا نقطع ليك ٠
دافينشي : بشحال الدخلة ؟
سعيد : ماشي بزاف 100euro
ليوناردو جبد 200euro وقال فخاطرو مزيان بهاذ الثمن باش كنقطعوا فإيطاليا ٠ دخلوا للملعب جلسوا كانت الساعة آنذاك الواحدة زوالا والماتش غادي يبدى مع الرابعة بعد الزوال ٠ دافنشي قهراتو الشمس استغل الفرصة وهو يجبد لومبر صوليي وبدى كيذهن فالجسم ديالو ، إيوا على الأقل يتبرونزا شي شوية بيدمان يبدى الماتش٠
الماتش بدى * ماكين غير التشيار و جري عليا نجري عليك * واحد الشوية ناض دافنشي وبدى كينقز وكيشير بالشابو ديالو وكيغوت بحر جهدو موناليزااا ، موناليزااا ، وجدتهااا ، وجدتهااا ٠
سعيد : آشمن موناليزا ؟
دافينشي : راهيا ، راهيا فأرضية الملعب ٠
سعيد : واجلس آلموصيبة شوهتينا هاذيك راها صحافية مغربية سميتها قائمة بلعوشي ٠
دافينشي أصر على كلامو وبدى كيبكي وكيقول : لا هاذيك موناليزا راه أنا اللي كنعرفها مزيان ٠
الجمهور اللي كان جالس موراه بدى كيشير عليه بلقراعي ولكراسى وكيسبوا فيه * واجلس، واشد لرض ، وخلينا نتفرجوا ٠ والله ينعل بوك ، والله يعطي لمك شي كصيدة ، واخة على مك أبو شعكاكة حتى تخرج٠٠٠
دافينشي تخلع أوهو يجلس ٠
سعيد :أمالك أصاحبي تسحاب ليك راسك فسانسيرو ٠ وقيلا مابغيتيش ترجع لإيطاليا ؟ ياك جيتي باش ترسم وارسم أوهنينا من الصداع ٠
دافينشي قبط الريشة بيديه وبدى كيتأمل فطريقة لعب الفريقين ، فالمدرجات ، فعشب الملعب ، فبدل اللاعبين ، فبرنامج حصيلة الأسبوع ٠٠٠ وبدى كيضحك ، كيضحك ، كيضحك ٠٠٠
سعيد :علاش كتضحك أليوناردو ؟
دافينشي :وا على ألوان كيدايرين hhhhh ، مال الgازون كاشف hhhhh ، شكون اللي دار لبلان لهاذ التيران hhhhh ، الشركة اللي فصلات الأقمصة ديال اللاعبين دارتهوم صطوندار ، القديوي كبر منو الشورط والعلاوي صغر منو hhhhh ،المgانة مكيناش hhhhh ، الضو خاسر hhhhh ٠٠٠
المهم ليوناردودافينشي تحدو ليه كواريه أمام هاذ اللوحات الفنية الشاعرية ٠ gاع هاذيك لقرايا اللي قرى تلفات ليه ، وردة هي اللخرانية ما بقاش قادر يرسمها ٠
سعيد : أمالك آلموصيبة كتضحك ؟ ياكما جاك الجوع ؟
دافينشي : hhhhh ماكذبتيش جاني الجوع ولكن ماشي غير الجوع ديال الماكلة hhhhh واش كاين فالملعب شي مطعم كيبيع البيتزا ولا السباكيتي hhhhh ؟

سعيد سمع هاذ لكلام و بدى كيموت بالضحك وقال والله حتى نتا عالام أليوناردو ، وتسنى واحد الشوية حتى يجي واحد المطعم متجول
بعد قليل بان مول الكاسكروطات ٠ عيط عليه سعيد وقاليه عطي لهاذ لمسطي شي كسكروط
دافنشي : شنو هادشي hhhhh ؟
سعيد : نص كوميرة لاوية فيها شوية ديال الطون وبزاف ديال لحرور
دافنشي : بشحال كيدير ؟ * سعيد : لاغلى على مسكين 20euro
دافنشي بدى كياكل ، واحد الشوية سمع مصارنوا كيغنيوا وقال لسعيد : ماما ميا ماما ميا لضياري هاذي فينا هوما المراحيض ؟
وصلوا للمرحاض لقاوا الباب مهرس ، الروبينيات تسرقوا ، الماء مقطوع ، المراحيض مبوشيين ٠٠٠ دافنشي بغى بدخل ما قدرش حيث كاكا فينما دورتي وجهك كتلقاها فالمرحاض وفأرجاء المرحاض
سعيد : آسي ليوناردو بلا ما تدخل للمرحاض راه الداخل مفقود والخارج معتوه بلاتي نجمع ليك شوية ديال لكواغط و دير كيفما كدير الجميع ، قضي حاجتك هنا فالهواء الطلق
دافينشي : لا هاذي الطبيعة ومخصناش ندمروها ٠ أنا غادي ندخل للمرحاض واللي ليها ليها hhhhh
الحاصول دافينشي سد نيفو ودخل للمرحاض مشيا على رؤوس الأصابع
سعيد : والمسخوط وخرج لا تجيف ومالك معكس ومال راسك قاسح ٠
باش دخل ليوناردو للمرحاض شم روائح عجيبة وغريبة خامرة مزيان كيبلغ العمر ديالها حولي أربع سنوات ٠ لحيوط مجلخين بلخطوط وقال لسعيد : ديالاش هاذ لخطوط أسعيد hhhhh
سعيد : آليوناردو ، الجمهور باش كيقضي حاجتو كيبغي توضى كيلقى الماء مقطوع إيوا فبلاصة الماء كيستعملوا الحيط
ليوناردو : hhhhh
سعيد : واشفتك باقي ما بغيتي ترسم
ليونادو : وا سعيد شفتي هاذشي اللي شفت اليوم راه وخا تجمعني أنا وبيكاصو وفان خوخ ماغديينش نقدروا نرسموه hhhhh
سعيد : ويلاه أليوناردو خرج
دافنشي : لا ما غاديش نخرج hhhhh
سعيد : المهم إلى ماغاديش تخرج عطيني رزقي
دافنشي : ماعنديش hhhhh
سعيد : كيفاش كاع هاد تمارة وهاد الضحك اللي ضحكت معاك اليوم غادي يمشي فلخوى
دافينشي : الصداقة حسن من لفلوس hhhhh
سعيد سد الباب ديال المرحاض بالساقطة ولقفل
دافينشي : علاش سديتي الباب أسعيد hhhhh
سعيد : حبس المرقة ، والله أدافينشي ما تحط 5000euro لا خرجتي من هاذ المرحاض the end