همسات سكايري

موضوع: همسات سكايري الإثنين أغسطس 09, 2010 11:56 am

يا لطيف يا لطيف طرف خبز نظيف نجيبوا بلا ما نبيع لكيف

من عند مول مخبزة شريف لي في طبعوا خفيف
...شعب كيعاني هذا زمان ماشي زماني
طرف خبز بكاني
من جوع عماني
كلشي منها فاني
بغيت طرف خبز نظيف
ساير ندور هذا حالي
خاوي جيب ديالي
كنسول راسي انا مالي
كنصخصخ راسي مصدع بالي
نمشي نسكت او نشريه فحالي اش زعمى الا ما كانش خبز اش يجرالي
ما عندي ورث ولا صنعة
في ايدي هاز لقرعة
نحلم تكون عندي قلعة
سكران يهزوني بربعة
ما بقات فبنادم قناعة
عيوني باقا فيها دمعة
باقي في بلادي لمضوي بشمعة
لاخر في داروا معشي بضلعة
سمعت غادي تولي بلادي مصروعة
ياك كيفاش او باقي خبزة ممنوعة
تقهرت انا من ديون
تمنيت نكون مع مختفون
او نبان حتى انا او ندير قرون
او يقولوا هذا شكون
ما تديش عليا باقي شاد فيا معجون
نهز راسي لفوق
او تحت مني بنادم مدعوق
واحد بارك غير في سوق
دار معايا لافوت
او لا بغيتي ترجع بلادك في صندوق
تحرق ولا في طريق تولي محروق
دنيا خوتي محفقى
قلت ندير انا فرقى
نكتب على فسوق
او نتكلم على حقوق
ولكن شفت دم او راسي مفروق
قال خويا يا فلان
هدر تكلم عليك أمان
ما عرفتش منين تجمع عليا ذبان
كلامي كتبتوا او بارك في كوان
نفهم على راسي او نقول بنادم عيان
انا ديما في عقلي سرحان
طرف خبز صعيب
هذا خويا مغريب
كلا مواطن عندوا طبيب
مجتمع قلبوا حبيب
كلشي غادي ولي قريب
مع هذ مغريب وليت فليب
يا لطيف يا لطيف
هذا طرف خبز نظيف

موضوع: رد: همسات سكايري السبت أغسطس 28, 2010 7:28 pm

لا حول ولا قوة الا بالله

نسأل الله السلامة والعافية