شرجم الذكريات

حلِّيتْ الشَّرْجْمْ المْطَرَّقْ
من قْفْلْ وسْناسْلْ الزمان
تْشَهِّيتْ صَفْعة العْجاجْ
صْخانة الشَّرْقِي
وَقْفة الهْوا الثقِيلْ
عرقْ الصمايْمْ
تْشْهِّيت…
غبرة الحومة

ريحة الشفنْجْ اللِّي تْكْهْمْ
ريحة الكاوْكاوْ المقلي
تْشهِّيتْ….
الدبَّانْ اللِّي يْنْطحْ

دهنة الغُبرة…
أو عَطْسة النَّفْحة
ريحة النعناع وْ الشيبة
حلِّيتْ الشَّرْجمْ القديمْ
شرجمْ السِّنينْ
نخطْفْ تْبَرْكِيكْة
الجَّارة لْ الجَّارة
نْتْسْلى بْدْبازْهُمْ
مَعْيُورْهُمْ
أو نْتِيفْهُمْ
نْتْسْلَّى أو نضحكْ
بالجِّيران اللِّي تْفُكْ
وانا نْطَرْطْقْ الزَّرِيعة
نضحكْ…
نْبرْكْكْ
وْنْدْفْلْ قشُورْ الزرِّيعة
نْدَوَّزْ نْهاري
ضاحْكة بْحماقْ النَّاسْ
حلِّيتْ شرجم الذكرياتْ

نشوفْ وْلادْ الحومة[/size]
طالْقِينْ شْباكْ الصيادة
لْ بْناتْ الحومَة
وانا طالْقة شْباكْ التبركِيكْ
منْ شُبَّاكْ الحْديدْ
أومولْ الحوتْ طالْقْ حَلْقُو
بْشْباكْ لْسانُو
إيصيَّدْ رزْقُو

حلِّيتْ الشَّرْجمْ الرَّاشي
نْسمعْ صوْتْ عجيبْ

إيبَرَّحْ وِقُولْ…
قْراعِي للْبيعْ
صبَّاطْ للبيعْ
وْاللاَّ صوتْ إينادِي
وا من يرحمْ هذا المسكين
نْشوفْ هدية
غياطة وطبالة
نْشوفْ البَّا إيخنْزْرْ فِيَّ
وي يْحْلفْ فِيَّ
نْخافْ منُّو….
وْنْسْدْ شرْجمْ الطفولة
بْقفلْ وْسلاسلْ الزمان
بعْدْ سنينْ وسنينْ
حليتْ شرجم الماضي
من قفل دموعي
من سلاسل الوحشْ
حليتْ شرجمْ عقلِي
نبحتْ على غْواتْ البَّا عليَّ
بْغِيتْ نخافْ منُّو
بحال خوفو عليَّ
بْغيتْ نغَّوَّتْ
بغِيتْ نبكي
لْقِيتْ الحومة ساكتة
نايْمة…
بحال إيَّامي
بْلا ريحة
حومة نْقِيَّة
حومة تْخَوَّفْ
بْغيتْ نغَّوَّتْ
بغِيتْ نبكي
لْقِيتْ الحومة ساكتة
نايْمة…
بحال إيَّامي
بْلا ريحة
حومة نْقِيَّة
حومة تْخَوَّفْ
ماشي بحال خوفِي
منْ البَّا
اللِّي كان إيخافْ عْلِيَّ
خوفْ من السكاتْ

خوفْ من النْقَا
من إنْعِدامْ الرِّيحة
خوفْ من شرجمْ محلولْ
بلا قفلْ…ولا سلاسلْ
بْلا حركة…
بلا نظرة الناس
ولا نظرة البّا
[size=21]اللِّي عمرو ماغا يْحلفْ فِيَّ

مصطفى زروال ولد لبلاد

شرجم الذكريات Drapeau%20du%20Maroc

علم المملكة المغربية هو اللواء الأحمر الذي يتوسطه
نجم أخضر خماسي الفروع؛
تشير بلونها الأخضر إلى انتساب
العرش العلوي المجيد إلى مؤسس
الدولة النبوية الشريفة. واستمرار
خطوطها التي لا بدء لها ولا نهاية،
دليل العزة والمجد، والخلود.
وأركانها الخمسة تعني مبادئ الإسلام الحنيف

مغربي واعتز

مصطفى زروال ولد لبلاد

شرجم الذكريات Drapeau%20du%20Maroc

علم المملكة المغربية هو اللواء الأحمر الذي يتوسطه
نجم أخضر خماسي الفروع؛
تشير بلونها الأخضر إلى انتساب
العرش العلوي المجيد إلى مؤسس
الدولة النبوية الشريفة. واستمرار
خطوطها التي لا بدء لها ولا نهاية،
دليل العزة والمجد، والخلود.
وأركانها الخمسة تعني مبادئ الإسلام الحنيف

مغربي واعتز

برافوو
بجد رائع جداً واكثر من رائع ... احساس جميل بين كلماتك

منور بابداعك وكلامك الحساس

شرجم الذكريات Image