سمعو يا ناس الدوق و لفهام
قصة زوج ولاد داير عليهم لكلام
في المدراسة مشاركين لقسام
صحاب ما كيتفارقوش تقول توام
لكن لخصومة مفروضة مرتين في العام
و نهار الديربي كيقطعو السلام
الويدادي يقول ديما ديما حمرة
وللي عادانا نكرهوه بمرّة
فرقتنا حاكمة اللجام
ا لبطولة للقدام
جمهورنا ديما زاهي
و بالتشجيع عل الدوام ساخي
دخلنا ولا خرجنا
الفيكتوار هي حرفتنا
و الرجاوي يقول ديما ديما خضرة
وللي قال لا عشرتو مافيها تمرة
فريقنا فريق الاحلام
و في التيران غادي بان لكلام
جمهورنا جمهور باهي
و في التشجيع عمرو ميقول صافي
ربحنا ولا خسرنا
لفراجا هي حرفتنا
رجاوي ولا ويدادي نتا كازاوي
علاش تعادي و ضل في خوك داوي
الكورة منفوخة بالبرد
و عمّر البرد ميقطع الود
اللي ربح نهنيوه
و اللي خسر نواسيوه
دوم بيناتنا الخاوة
و جميع نبذو لعداوة
الثلاثاء يناير 26, 2010 5:18 pm
